Transcription
1
Monsieur,
2
J’ay receu votre lettre du dernier de ce mois, par laquelle j’ay veu que aiant ung vostre filz
3
à la suytte de la court résolu d’accompaignier Monseigneur au voiage de La Rochelle
4
que peult estre que pour icelluy aura besoing d’argent ; et à ceste fin, vous désirés
5
que je luy face fournir jusques à la somme de treize ou quatorze cens livres
6
s’il y aura à faire, ce que je feray, monsieur, et ne sachant sy mondict seigneur
7
vostre filz est monsieur de Laval ou autre, puysque ne me mandés le nom,
8
je ne vous scaurois mander la lettre que vous me demandés à celle fin que luy
9
soit paié l’argent s’il en aura à faire pourtant me pourrés mander le
10
nom s’il vous plaict. Cependant, luy pourrés escrire que ayant à faire de
11
toutte ou d’une partie de ladite somme, s’adresse à Parys à Jehan Estratta duquel
12
aura nouvelles de quelcuns de gens de monsieur de Nyvers du lougis auquel se
13
tient, car aiant nouvelles à quy de vous dictz filz vouldrés qu’il soit paié ladite somme,
14
je luy manderay sans qu’il soit besoing de vous envoier aultrement la lettre
15
pardelà qui luy paie ledict argent et encores je vous envoieray ladicte lettre
16
sy ainsi le trouverez bon et en toutte autre chose auquel je auray moien de vous
17
faire service je le feray d’aucy bon cueur comme je prie le Créateur,
18
Monsieur, que en sancté vous donne très heureuse et longue vie.
19
De Lyon, ce 3e jour de décembre 1572.
20
Votre bien humble amy et serviteur
21
Joseph Arnolfin